لاتأتمني لشاب في الدنيا الا من رضي والديك عنه_قصة حقيقية

قتلها .... حسبي الله عليه.. الله يرحمها رحمة واسعه ..
نقلته من واحده نقلته مباشره من صاحبة القصة


بكتب لكم قصة اختي
عشان تكون عبره لكل بنت
عمري ماتخيلت اني اكون بهالموقف
واكتب لكم معاناة
قصه كتبتبها من دمي والمي وسمعة اهلي!!!
احنا عائله ملتزمه جدا ولله الحمد
تعرض اخي الكبير قبل شهرين لحادث بسيارته
ولله الحمد كانت خاتمته حلوه لانه كان صائم يوم الاثنين ..ومن اسعفه قالو لنا انه كان يكبر طول الطريق لوصوله المستشفى فالحمدلله الحمدلله
طبعا اخي كان البكر وتعرفون غلاة البكر عند امه وابوه
ابوي لماعرف انصدم ولكن احتسب
بس الي يعرف ابوي يعرف ان الحزن يقطع قلبه
على ولده امي لماعرفت ماتحملت الخبر
اغمى عليها
وتنومت بالمستشفى اسبوع كامل
امي لم تكن تعاني من اي امراض الحمدلله
بعد الحادثه صابها السكر والضغط

قبل وفاة اخي كنت الاحظ على اختي الكبرى
انها مهمومه ومنعزله بغرفتها ودائما تبكي
سالتها اكثر من مره
وامي سالتها كانت دائما تقول
انها رسبت في مواد بالجامعه
او اسباب ثانيه مومقنعه
فانا قلت بعدين هي رح تحكيلي وطنشت السالفه
بعد وفاة اخوي امي صابها خوف علينا بشكل فضيع
اذا جلسنا دقايق بعيد عنها تنادينا
اذا وصلوني المدرسه امي تكون بالسياره تطمن لين ادخل المدرسه
انا بصف ثالث ثانوي
امي قلقت على وضع اختي لان بعد وفاة اخوي وضعها زاااااااااد سووووء
صارت ماتقدر تمشي
وتستفرغ ودايخه واغلب الوقت نايمه
ابوي رقاها اكثر من مره
آخر شي انا كنت طالعه من غرفتي سمعت ابوي
يقول بكره بياخذون اختي لو غصب عنها لممستشفى يكشفون عليها
لان حالتها ماتطمن
انا رحت لااختي قلت لها
ابوي بياخذك غصب عنك للمستشفى
هي جلست تضرب في نفسها
وتبكي وتقول مصيــــــبه مصيــــــــــبه
انا استغربت قلت لها ايش فيك ؟؟
قالت شي تمنيت اكون مت ولا اني اسمعه
قالت أنــاحـــامــــــل
انا ما استوعبت قلت شلون وكيف
انتي بنت شلوووووون؟؟


قالت انها حملت من واحد كانت تعرفه من مده
اختي بنت يعني بكارتها سليمه لاكن حكمة ربي سبحان الله
والنذل لماعرف بحملها قالها زواج مستحيل اتزوجك
هذا غير انه شكك ان الي في بطنها منه
خصوصا انه ماصار شي...........
قالها اهربي من البيت وانا احطلك شقه ونجلس اصدقاء
وحاول فيها لما شافها معنده وتبي يتزوجها
,,,,اختي المغفله ماتعرف عنه شي غير رقم جواله واسمه وهومن منطقه غير عن منطقتنا ,,,,
غير رقم جواله والغى الرقم اختي صارت ماتعرف توصله
وطلع حتى اسمه كذب عليها فيه
حسبي الله ونعم الوكيل فيه
انا كنت حاسه بمصيبه وكارثه لو اهلي عرفو والله لاتموت امي من االصدمه
وليذبحها ابوووي


معليش اخوات انا ماعندي خبره بالكتابه

بهالفتره ماكنت عارفه اش اسوي
واختي كانت مفكره تشرد
واناكنت اخذه هم امي وابوي
ففكرت ادخل منتدى ...
دخلت وكتبت موضوع والبنااات ماقصروو جزاهم الله عننا كل خير
ساعدوني كثييييييييييير
خصوصا رشا الله يسعدها دنيا واخره والله كل مااصلي ادعيلها
كنت متواصله معها بالمسن
وكانت عندها خبره ف كانت تساعدني الله يجزاها الجنه
,,,اختي تدرس بالجامعه,,
رحنا ف يوم انا واختي للجامعه بعدين اخذنا ليموزين ورحنا لعطار
اخذنا خلطة اعشاب
قلنا للعطار ان اختي حامل بكيس فاضي ونبي ننزله وعطانا خلطه
رجعنا للجامعه ورحنا للبيت
صلت اختي واستخارت انها تشربها وشربتهاا

"همسه
اختي صحت لاكن متاخر
اختي تابت بس بعد ماخسرررت كثيييييييير
سبحان الله في كل شي له حكمه قد يكون ماحصل لها عضه لغيرها وعضه لي وحمة ربي عشان اختي تتووب
اكيد غرقت بالمعاصي لين ربي بلاها بالمصيبه
اختي كانت ملتزمه لاكن سبحان الله تغيرت فجاءه
يامقلب القلوب ثبت قلوبنا على الايمان"""

شربت اختي الخلطه بعد صلاة العصر
وصابها نزيييييييف قوووي
من بعد صلاة المغرب
سريرها والحمام وارضيه الغرفه كلها دم
كنت احاول امسح واغسل خفت امي تدخل علينا
من كثر النزيف ماقدرت امسح ايش والا ايش
وكانت تتاؤه وتتالم وتعض بالمخده
والله الالم الي شفته بعيونها والي حسيت الالم بقلبي ااااااااااااااااااااااه
ليت الالم بعروق قلبي ولافيك كنت ابكي جنبها جبت لها بروفين
بس مافااااد كانت تتالم حيييييييييييييل
وكنت اقفل عليها غرفتها واروح اجلس مع امي واتظاهر ان اختي تعبت من دوام الجامعه
كل شوي اطل عليها ودخلت عليها لقيتها مغمى عليها من الالم
وصحيتها وترجع تتالم بعد العشاء كان صوتها مايطلع غير من انيييين بسييييط
والنزييييييييييييف ماوقف والله صارت الغرفه باللون الاحمر
اغمى عليها اكثر من 3 مرات من الالم
بعد الفجر صارت اختي تطالع السقف
وتتمتم مااعرف اش قالت من خوفي كنت ابكي
موعارفه شسوووي وكلمت الاخت رشا
قالت لازم مستشفى خصوصا ان عندها فقر دم
كنت محتاااااااااااره فجاءه اختي شهقت
جلست تشهق بصووووووت عـــــــــــــــالي
حسيت روحي بتطلع من خوفي عليها
حسيتها موقادره تتنفس
رحت اجررري لخالتي كانت ساكنه قريب مننا
وقلت لها كل شي وجات معي وانصدمت من منظر الغرررفه
جلست تبكي تقول انتم مجانين وشلنا اختي انا وخالتي
واخذناها على بيت خالتي خالتي كلمت دايه تعرفها
وانارحت انظف الغرفه لما رجعت لقيييت
خالتي منهاره والدايه تهديها سالت شفيها
قالت اختك تحتضر
ااااااااااااااااااااه ااااااااااااااااااه
يااااااربي اختي مالي غيرها بعد الله تموت واي موووته
احنا كنا نحسب انها حامل بشهرين
الدايه تقول انها حامل ب3شهور وداخله الرابع
وخطر اننا نجهضها
قالت الدايه مووقت بكاء الله يجزيها كل خير
اخذتنا لدكتور تعرفه
معليش مااقدر ادخل في تفاصيل اكثر عشان مااحد يعرفنااا
واختي توفت الله يرحمها ويوسع قبرهااا
وانامادخلت الاختبار ماقدرت
وامي ادعولها بالشفاااء وادعو لاابوي بالصبر
قسم بالله العظيم
كرهت كل الرجاااال
وحسبي الله عليك ياكلب
يا................. انا حذفت الإسم نزولا عند رغبة بعض الخوات
الله يبليك بصحتك الله لايسامحك
اختي ماتت وهي تدعي عليك
الله لايسامحك
ياحقيييييييييييييييييييير

اعذروني بنات ان شاء الله توصله هالقصه وبفضحه عند اهله لان عرفت اسمه الحقيقي .......انا حذفت الإسم نزولا عند رغبة بعض الخوات
عرفت بس بعد ماراحت الغاليه
والله ثم والله مراح اسكت لك ولااشكالك
بعرف اخذ حقي





اسفه بنات سامحوني والله من قهري

منشورات Unknown on 2:24 ص. Filed under من هنا وهناك . You can follow any responses to this entry through the RSS 2.0